Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 52-1} muṟam cevi maṟai pāypu muraṇ ceyta puli ceṟṟu
• {KALI 52-2} maṟam talaikkoṇṭa nūṟṟuvar talaivaṉai
• {KALI 52-3} kuṟaṅku aṟuttiṭuvāṉ pōl kūr nuti maṭuttu ataṉ
• {KALI 52-4} niṟam cāṭi muraṇ tīrnta nīḷ maruppu eḻil yāṉai
• {KALI 52-5} mallarai maṟam cāytta māl pōl taṉ kiḷai nāppaṇ
• {KALI 52-6} kal uyar naṉam cāral kalantu iyalum nāṭa kēḷ
• {KALI 52-7} tāmarai kaṇṇiyai taṇ naṟum cāntiṉai
• {KALI 52-8} nēr itaḻ kōtaiyāḷ cey kuṟi nī variṉ
• {KALI 52-9} maṇam kamaḻ nāṟṟatta malai niṉṟu pali peṟūum
• {KALI 52-10} aṇaṅku eṉa añcuvar ciṟukuṭiyōr ē
• {KALI 52-11} īrm taṇ āṭaiyai elli mālaiyai
• {KALI 52-12} cōrntu vīḻ katuppiṉāḷ cey kuṟi nī variṉ
• {KALI 52-13} oḷi tikaḻ ñekiḻiyar kavaṇaiyar villar
• {KALI 52-14} kaḷiṟu eṉa ārppavar ēṉal kāvalar ē
• {KALI 52-15} āra mārpiṉai aṇṇalai aḷiyai
• {KALI 52-16} aitu akal alkulāḷ cey kuṟi nī variṉ
• {KALI 52-17} kaṟi vaḷar cilampil vaḻaṅkal āṉā
• {KALI 52-18} puli eṉṟu ōrkkum i kali kēḻ ūr ē
• {KALI 52-19} eṉa āṅku
• {KALI 52-20} vilaṅku ōrār mey ōrppiṉ ivaḷ vāḻāḷ ivaḷ aṉṟi
• {KALI 52-21} pulam pukaḻ oruva yāṉ um vāḻēṉ
• {KALI 52-22} ataṉāl poti aviḻ vaikaṟai vantu nī kuṟai kūṟi
• {KALI 52-23} vatuvai ayartal vēṇṭuval āṅku
• {KALI 52-24} putuvai pōlum niṉ varavu um ivaḷ
• {KALI 52-25} vatuvai nāṇ oṭukkam um kāṇkuval yāṉ ē